Gedicht van de Week van Geert Teis

Nait vraogen!

Op de blaike staait n paole.
Aan de paole staait ’n peerd,
En dat peerd dat wupt gemoudelk
Mit het toefie van zien steert.

Waorom staait op blaike ’n paole?
Waorom staait aan paole ’n peerd?
Waorom wupt dat peerd gemoudelk
Mit het toefie van zien steert?

Vraog toch nait waorom op blaike
’n Paole staait en draan ’n peerd!
En woarom dat peerd gemoudelk
Wupt mit ’t toefie van zien steert!

Staait nou ainmaol ’n paol op blaike,
Staait ainmoal aan paole ’n peerd!
En dat peerd dat wupt nou ainmaol
Mit het toefie van zien steert!

Geert Teis Pzn (Stadskanaal 1864 – Ruurlo 1945) Uit: Knitters van d’Heerd (Firma M.D de Lange, 1927)

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

4 × een =

Terug naar boven ↑
  • Literatuur activiteiten

    Geen nieuwe activiteiten