Gepubliceerd op 26 februari 2018 | door Jan Glas
Gedicht van de Week van Geert Diemer
Oogsten
In grieze, kolde mist ligt t laand
mit kronkelkromme, daibe sporen
van zwoare trekker. Hoogbeloaden
mit kool goan woagens of en aan.
In regenpak, mit glimmend mes,
schoeven twij kerels deur de riegen.
Ze boegen bloaden vort en kriegen
in ain japs d’kool van d’stronke lös.
Haalfweg: in t ende. Rekken. Stram.
Ze strompelgleren deur de bloaden
en nemen, d’vingers haalf bevroren,
n koffieslok, n boteram.
n Grode oogst, n grode strop:
n kool brengt nog gain stuver op.
Geert Diemer (Musselkanaal 1924 – Nieuwe Niedorp 1999) Uit Krödde nr. 28, 1988
Gerelateerde berichten
Nij verhoal van Bé Kuipers op Oader →
Gedicht van de Week van Kees van der Hoef →
