Gedicht van de Week van Fré Westerhoff

Vree

Hek stìnt en smacht noar smeer
grind knirzelt onder vouten
treurboom vlijt zien takken deel
langt schaar aan òlle put

twiel baank nuigt plak te nemen
komdaaiern kraaien op te krözzen
emmer sleets op raand van put
zet loop van t leven op stee

doar elk in vree te vouten ligt
struun k in t verleden weerom
vlij aal mien heugens op rieg
zet toukomst wied aan zied

wind fluustert noamen van heur
dij k nog geern ais doeken wil
in schaar schoft t leven laans mie hìn
zel t zo veur aiveg wieder goan?

Free Westerhoff (Groningen, 1946) In het kader van Meertmoand Streektoalmoand schreven het Dagblad van het Noorden en Webloug een gedichtenwedstrijd uit onder het thema ‘Verwachting’. De gehele maand maart krijgt u op maandag de beste inzendingen te lezen.
De jury zegt: ‘Mooi gedicht mit haile staarke beelden: de nuigende baank en de vijandege kraaien, is zo’n mooi beeld. En ‘emmer sleets op raand van put’. t Kerkhof woar t denken over dat wat nog komt, wat ain nog te wachten staait, t laifst even ‘aan zied’ zet wordt.’

Tags: , , , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

2 × 2 =

Terug naar boven ↑
  • Literatuur activiteiten

    Geen nieuwe activiteiten