Gedicht van de Week van Fre Brouwer

In t zeel

Ver veurover, swoare, klaaine treden
bringen langsoam mins en schip veuroet.
Klompen, dij de swaarde modder kneden,
holen t smale joagpad verder oet.

Dovve ogen dij noar t inde smachten;
hangend aan dat swiepend laange taauw.
Langsoam slopend, d’alderleste krachten,
din pas wordt e òflöst deur de vraauw.

Soavends, stillegd deur de sloten broggen
strekken zai nog wat de muide roggen;
smoaken let zok t steveg sober moal.
Slieten veur op dek de leste uren,
zellen mörgen ook gain joager huren.
t Aigen liggoam sprekt weer schipperstoal.

Fre Brouwer
(Meeden 1921- Smilde 1994) Uit: Wat blift (Stichting t Grunneger Bouk, 1994)

Tags: , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

negen − zeven =

Terug naar boven ↑
  • Literatuur activiteiten

    Geen nieuwe activiteiten