Gedicht van de Week van Fre Brouwer

D’òlle stried

Mit Pekel was n stried om t leven;
elk mainde, t veen dat kwam heur tou.
Toch mozzen Maid’mers t overgeven,
heur vraauwlu schraiwden astertou.

Mit heur geschraiw kwam t medelieden;
ze kregen t manvolk mit noar hoes.
De Pekelders konden t veen aansnieden
en sluigen Maid’mer hoop aan groes.

Mor d’stried gong deur in aal dij joaren,
nog speulen vraauwlu op heur poot.
Zai spouken dicht bie Kibbelgoaren

in dook, heur oasem van de dood.
Din mouten Pekelders zok woaren
veur widde wieven van Veensloot.

Fre Brouwer (Meeden 1921- Smilde 1994)
Uit: Wat blift (Stichting t Grunneger Bouk, 1994)

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

10 + twee =

Terug naar boven ↑
  • Literatuur activiteiten

    Geen nieuwe activiteiten