Gedicht van de Week van Eldert Ameling

Lood

Lood kammeroad, lood
wat zai nait vonden hemmen ien dizze sloot
t haile dak van hut mit zinken geuten

Lood kammeroad, lood
zink het gain bainen,
dat lopt ja nait vot

Beziedstopt achter t bred
doar hemmen onderdoekers zeten
nait best kammeroad, nait best

Geknooi kammeroad, geknooi,
meschain smelt lood joe wel ien handen
doar wil t nog nait om branden
– mis kammeroad, mis
deur dunderslag sprongen bie gonnent
oren van kop òf
dou wazzen t apmoal widde vlinders

Iezer kammeroad, ol iezer,
dat is gain slik, zuks mos nait pruiven
lood mos vuilen kammeroad
en aalgedureg wegen
van ain haand ien aner
en weer vernijs,
zo gaait dat mit lood kammeroad, mit lood.

 

Eldert Ameling (Terschelling, 1951). Uit Krödde nr. 77, 2001.
Bio Eldert Ameling.

Ameling leest HIER het gedicht.

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



One Response to Gedicht van de Week van Eldert Ameling

  1. Pingback: » Eldert Ameling | Webloug

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vier × 3 =

Terug naar boven ↑
  • Literatuur activiteiten

    Geen nieuwe activiteiten