Gepubliceerd op 23 mei 2016 | door Jan Glas
Gedicht van de Week van Egge Wieringa
Gien Woorden
Ik bleef noar woorden zuken
die ‘k zeggen mos misschien.
’t Was of holten vensterluken
mien gedachten en mien zien
sloten hielden veur bewuste dingen.
Ik zöcht as ien ’n trieste dag
noar zunnege herinneringen
van véur die onverwachte slag.
Ik heb gien woorden
die passen ien ’t gemis.
De vroag die al blift moorden:
of er wel n trooster is?
Egge Wieringa (Marum 1933)
Uit: Pijlen ien ’t zachte zaand (Stabo/All-Round)
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
