Gepubliceerd op 8 maart 2016 | door Jan Glas
Gedicht van de Week van Dini van der Werk
Gain weerom
Wie hebben ons stil holden
aal dij joaren,
wie hebben nait proat,
dou t nog kon.
En nou t te loat is,
zol gain van ons baaident waiten,
hou en woarom t ainglieks begon.
Wie wazzen te jong meschain,
nog nait volgruid,
mor wat mie achternoa
t mainste muit,
is, dat ter gain weeromme meugelk liekt.
Want konden wie mit zien baaident
opnijs begunnen,
k zol die tegemuide runnen.
Dini van der Werk (1932-2008)
Uit: Nait niks (1989, eigen beheer)
Gerelateerde berichten
Winnend Gedicht van de Week van Rens Komduur-Van der Molen →
Gedicht van de Week van Eldert Ameling →
