‘Gedicht van de Week’ van Aly Freije

Veenwichtje

Alles huil t vast
het veen
stugge törven, mit schaarpe
sneden schaaiden
verroaden nog
wat vrouger was

soamen klonken, omhoog
wrikt, kommen ze aan t licht
vergoane planten, worrels van bomen

en aal dij tied intact, n wichtje
in t veen, inainen
verstrikt in vrouger leven

heur swaarte lief, t haalske
mit ströp tot haarde
vörmen terogge brocht
kwam aiwen loater
boven
Het veen lugt nait.

Aly Freije (Veelerveen, 1944).
Uit: Wondpoeier (kleine Uil, 2009)

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.

Tags: , ,



One Response to ‘Gedicht van de Week’ van Aly Freije

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

16 + dertien =

Terug naar boven ↑
  • Literatuur activiteiten

    Geen nieuwe activiteiten