Gedicht van de Week: Luk dörpke ien snij

Luk dörpke ien snij

t Widde wierke blonk ien t blaauw
van kolle, kloare winterdaauw.

n Weelderge wollen sprij
bestopte t dreumend dörpke rij.

t Lachte ien sloap, of was het krekt
deur hemelhannen onnerdekt.

Wied boven t stille meulenkruus
Hong lichtende t steerenvluus…

Ol grieze wachter ston op raand
en wenkte mie oet t widde laand.

Ik kwam bie hom, dou zong e zaacht
het zulvern sprookje van de naacht.

Dat het mie broken: muid en kold
heb ik mien haarde hannen vold…

Jan Boer (1899 Rottum-1983 Groningen)

Uit: Nunerkes (Groningen, 1929)

Tags: , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

vier × 1 =

Terug naar boven ↑
  • Literatuur activiteiten

    Geen nieuwe activiteiten