Gedicht van de Week ‘De Nijsverteller’ (1823)

De Nijsverteller (1823)

Drij Velings oet het Moffenland
Men nuimt ze mijsttieds poepen
Elk met ’n glassien in de hand.
Dij zatten drok te zoepen.
En pochten op ihr Vaters Haus
En op ’t viel besser Leben
Bij heur te lande, en dat ihr Wein
Kwam van viel zeuter Reben.

Körtom hier deugde, ’t alles niks:
Ik kon ’t nijt langer heuren.
En ‘k zee: “Jij loeders! Is ’t zoo fiks
Bij jou, hou kon ’t dan beuren,
Dat jij zo geern hier wonen wilt,
En komt bij ganse hoopen?
Wel ropt jou hier….loopt na jou land.
En laat je daar opknoopen.”

Zij sprongen met heur drijen op.
En ‘k wachtte harde klappen;
Maar juust kwam net as in galop
’n aander binnen stappen:
Dat was ’n dikke slachtersknecht,
Dij had wat in zien voesten!
Hij veegde in ins de kamer schoon.
Zoodat ze boeten proestten.

Anonymus (bron: t Grunneger Zangbouk, Delft 1930)

Elke week wordt der n gedicht kozen oet 200 joar Grunneger poëzie. Touglieks zel dit gedicht publiceerd worden ien t Dagblad van het Noorden, dinsdags op de pagina Grunnegs Goud.



One Response to Gedicht van de Week ‘De Nijsverteller’ (1823)

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

19 + 14 =

Terug naar boven ↑
  • Literatuur activiteiten

    Geen nieuwe activiteiten