Algemeen Fries Wolma

Gepubliceerd op 16 september 2017 | door Jan Glas

0

Fries Wolma kommende weke in Toezeboudel

Fries Wolma is dizze week te gast in Toezeboudel. Hai begon zien meziekoale loopboan as 14-joarege sologitarist bie d’Grunneger beatband ‘The Javelins’. In 1968, noa t uutainvalen van The Javelins, gaait Fries soamen wieder mit Jan Suiveer mit de meziekploug Ash-tray. In november 1977 goan ‘The Javelins’ weer soamen in d’olle bezetten, dat zal zo blieven tot t overlieden van zanger Jan Suiveer in 2008. In 2010 is Fries soamen mit Sijtse Scheeringa n nij duo, onder de noam Zuver scheerwol begonnen. Leste tied is Fries mit bezunder schiere Grunneger laidjes aan loop, dij deur hom zulf schreven en van muziek veurzain bennen. Alleneg al in d’oflopen joaren schreef hai ‘Zummertied’, ‘Noakt in de regen’, ‘Wie waren jong’, ‘Vrijhaid’ mit ‘Zuver Scheerwol’ en samen met Marianne Veenstra t emotievolle ‘Dodelijk verliefd’ (NL). We proaten mit Fries en vroagen wat e zoaal apmoal nog meer doan het. Ook hopen wie dat lu van Veur de wind even aanschoeven mit n nij laidje uut ‘De Goliath Tracks’.
In ‘Vantainnoartaander’ Jan de Jong mit n noagelnij verhoal ’n Tochtsloot’.
‘Schoefaan’ is Henk Puister. Prizzentoatsie Gerard Lunshof.

www.toezeboudel.info

Meziek regeln wie tiedens d’uutzenden.

Henk Puister leest ‘Sjomp’.

Tags: , , , , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

14 + zes =

Terug naar boven ↑
  • Activiteiten