Algemeen

Gepubliceerd op 3 november 2013 | door Webloug

1

Fré Schreiber zuikt ‘stukjes’

As je vrouger nuigd werden veur n bruloft of n pertij, wer der van joe verwacht dat je ook n ‘stukje’ deden. Dat kon n veurdracht wezen of n laid of n soamensproak. t Mooiste was as je zulf wat bedochten, mor elk het dij goave nait.
Ien ons pervinzie waren der ‘stukjes’ ien omloop dij aalweg weeromkommen. Bieveurbeeld: ‘De schuddeldouk,  Dien Dorrel was ‘n groetjepoet.’
Grunneger schrieverij is goud bewoard bleven en verzoameld, mor dizze ‘stukjes’ liggen overaal. Voak ien deuzen of loatjes.

Dou ik dit ais nuimde ien mien biedroage veur radio Noord, kwammen der geregeld van dij ‘stukjes’ bie mie binnen. Ik heb ze verzoameld, n map vol.
Ik vien t nô tied dat t ien boukvörm oetgeven wordt, zodat t bewoard blift en bie nkander. Titel: Dij spreker mout nog weer aan t woord. Ondertitel: Stukjes veur bruloften en pertijen oet vrouger tied.

Mor t is nog nait zo wied. Zol zunde wezen as der nog aargenswoar nog wat lag as t bouk aal kloar is.
Doarom n verzuik: Wil je nog ais kieken of je nog wat hebben veur t bouk? Ie kinnen t opsturen noar:

Fré Schreiber, Ploegersweg 11, 9991 CA Middelstum. fcschreiber@hetnet.nl

Tags:



One Response to Fré Schreiber zuikt ‘stukjes’

Terug naar boven ↑
  • Literatuur activiteiten

    Geen nieuwe activiteiten