Algemeen

Gepubliceerd op 17 november 2014 | door Webloug

0

Foto’s negende Streektoalconferentie 15 november ien Hoogeveen


Zodderdag 15 november organizeerde de Sichting Nederlandse Dialecten (SDN) de negende streektoalconferentie ien de Openboare Biebeltaik ien Hoogeveen. De conferentie was bedould veur schrievers, redakteuren, oetgevers en lezers.
Thema’s veur de dag waren vroagen as: Is der nog wel n maart veur bouken ien de streektoal? Hou komt n streektoalschriever aan lezers en optredens? Hou kin ain de kwaliteit van zien of heur schrieven verbedern? Dag wer opend  deur Veronique De Tier, veurzidder van SND.

Dichteres Suze Sanders vertelde over dichten en over t dichten ien t Drents. Ze trad soamen op mit de groep Ballads2 dij teksten van Sanders op muziek zet hemmen.

De Stellingwaarver schriever Johan Veenstra (foto) en de Vraize schriever Ferdinand de Jong werden deur Abel Darwinkel interviewd over de thema’s van de dag. Johan Veenstra vertelde noa t interview ain van zien verhoalen. Vaaier streektoalvertegenwoardegers prezen bouken aan via n zogenoamde Pitch, t publiek kon stemmen veur beste Pitch en/of bouk.

De mörgen wer poëtisch soamenvat deur Egbert Hovenkamp II. Noa de lunch waren der workshops poëzie en proza. Aan t ind van de dag wer de nije bundel ‘Gloepens’ aanboden aan Veronique De Tier deur Annet Westerdijk. Gloepens is n bloumlezen oet Nedersaksische proza van noa 1945 en is oetgeven deur t SONT. De Grunneger biedroagen ien de bundel binnen van Melle Hijlkema, Aly Freije, Reinder Willem Hiemstra en Erik van der Veen.

(Foto’s © Jan Glas, foto oetlangen ‘Gloepens’ © Jan Groenbroek)

Meer foto’s van de dag binnen HIER te vienden.

Tags: , , ,



Reacties zijn gesloten

Terug naar boven ↑
  • Activiteiten