Algemeen

Gepubliceerd op 14 oktober 2014 | door Webloug

0

Fotogroaf Omke Oudeman oet tied kommen


Omke Oudeman (1957) is op 11 oktober 2014 thuus ien Boerakker overleden, hij waas al n zet ziek. Zien olders harren n kwekerij tussen Zeuvenhuzen en Haaulerwiek en wel wiet komt doar zien liefde vot veur de natuur, t laandschop en ok de toal. Hij het doezenden foto’s moakt veur t Nijsblad en veur de tiedschriften van oa. Groninger Kerken en het Groninger Landschap.
Omke waas vanof t begun bestuurslid van ‘Mien Westerkwartier’ en as penningmeester het er de zoak van e grond kregen en ien e lucht holden. n Goed veurbeeld van zien waark is t kammeroadengeschenk “Moest lezen” uut 2011: hij het e foto’s moakt, regelde de interviews veur journalist Sietse van de Hoek en zörgde tussendeur veur de hiele subsidiestroom en centerij rond t uutgeven. Dit boek kreeg de Streektoalpries van t Dagblad van het Noorden.
Omke har n hiel eigen menier van optreden – zo as t heurt bij n man van zien formoat – mor ien t lest kwam t altied veur nkander, ok nog es ien harmonie. (Tekst: Tonko Ufkes)

Vrijdagmiddag 17 oktober om 2 uur is de cremoatsie ien crematorium Wâldhôf te Opeinde.

(Foto © Coen Peppelenbos)

Tags: , , ,



Reacties zijn gesloten

Terug naar boven ↑
  • Activiteiten