Algemeen

Gepubliceerd op 1 februari 2012 | door Webloug

0

Fokko Veldman oet tied kommen

Op 22 jannewoarie is Fokko Veldman ien Austroalië overleden. Hai was ien 1982, soamen mit Hanny Diemer, Wim de Lange en Henk Scholte, oprichter van Grunneger tiedschrift Krödde. Veldman wer ien 1944 ien Westerwol geboren en emigreerde op zien zestiende mit femilie noar Austroalië. Hai behoalde zien MA-groad ien Germoanse toalen aan universiteit van Melbourne en promoveerde aan Rijksuniversiteit ien Stad op t proefschrift De taal van Westerwolde; Patronen en structuren in een Groningse dialect (Groningen 1992). Ien Krödde publiceerde hai gedichten en verhoalen, mor ook literatuurbesprekens. Noar n idee van hom kwam ien 1990, as bieloage van Krödde, Boukwaiten Bloaden oet, n podium veur recensies en essays. 

Foto: Prue Gargano

Tags:



Reacties zijn gesloten

Terug naar boven ↑
  • Activiteiten