Algemeen

Gepubliceerd op 14 februari 2013 | door Webloug

1

Feest 30 joar Toal en Taiken en oetlangen Literaire Pries


Toal en Taiken, het tiedschrift veur Grunneger kultuur, bestaait 30 joar. Dit wordt vrijdag 22 feberwoarie vierd ien de hal van RHC Groninger Archieven ien Stad. Touglieks wordt de Literaire Pries van Stichting t Grunneger Bouk oetlangd aan Nina Werkman. t Feest begunt om 16:00 uur, Jan Groenbroek, hoofdredakteur van Toal en Taiken zel vertellen over de 30 joar van t tiedschrift. De Stroatklinkers zellen optreden en der binnen optredens van n hail riegje Grunneger dichters en schrievers: Henk Puister, Ida Vast-Leutscher, Kunny Luchtenberg, Jan de Jong, Anneke Mensen-Siegers, Annie Mekel, Coby Poelman-Duisterwinkel, Jan Hoiting, Anna de Vries-Maarhuis en Reinder van der Molen. Noa ofloop binnen der hapjes en drankjes.


Tougang is vergees, as ie van plan binnen te kommen, din geern even deurgeven en ook mit houveul personen ie kommen, dat kin via info@huisvandegroningercultuur.nl

22 feberwoarie, 16:00 uur
Entree: vergees
RHC Groninger Archieven, Cascadeplein 4, Groningen

(Foto Nina Werkman: Jan Glas)

Tags:



One Response to Feest 30 joar Toal en Taiken en oetlangen Literaire Pries

Terug naar boven ↑
  • Activiteiten