Algemeen Europese Toaldag

Gepubliceerd op 18 september 2017 | door Jan Glas

2

Europese Toaldag. Zet joen handtaiken veur behold van toaldiversiteit in Europa

Ain miljoun handtaikens veur diversiteit in Europa

Op 26 september is t weer Europese Toaldag. Din organiseert t Europees Bureau van Lutje Toalen mit aander lu n biezundere presentoatsie, noamelk de grode start van de pr rond t ‘Minority Safepack-initiatief’ in Nederland. t Gaait doarbie om n börgerininitiatief noar de EU tou, uutgoande van de Toalminderhaidsorganisoatsie FUEN. www.fuen.org

Doel is: de EU mot zuk staark moaken veur de verschillende minderhaidstoalen/regionoale toalen in de lidstoaten, en dat kin reglementair binnen de EU en juridisch ‘ofdwongen’ worden mit n Europees börgerinitiatief.

t Börgerinitiatief mout handtaikens hebben om geldeg wezen te kinnen: t EBLT/EBKT www.eblt.nl en aandern goan in Nederland perbaaiern zoveul meugelk handtaikens te kriegen: op internet of pepier. As alles voldut aan d’reglementaire veurweerden mout de EU t ain en aander uut stro zetten en kinnen veto’s nait waarken. Op dizze stee kin je joen handtaiken kwiet www.minority-safepack.eu.

Op 26 september is der n grode manifestoatsie bie Tresoar www.tresoar.nl (t Archief van Vraaislaand) in Laiwoarden om t begun van n pr-offensief Nederland in t ènde te brengen. Dit wordt tussen 12.30 en 13.30 uur, omroamd mit n koppeltje sprekers dij t slim kört holden zellen en mit n muzikoal gastoptreden. EBLT/EBKT nuigt joe bie dizzent de aangesloten organisoatsies om noar Laiwoarden te kommen, om dizze start mit te moaken en d’eerste ondertaikens te zetten.



2 Responses to Europese Toaldag. Zet joen handtaiken veur behold van toaldiversiteit in Europa

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

16 + 12 =

Terug naar boven ↑
  • Activiteiten