Muziek erwin de vries

Gepubliceerd op 10 maart 2017 | door Jan Glas

0

Erwin de Vries op Dag van de Grunneger toal op 18 meert

Tiedens de Dag van de Grunneger toal zel Erwin de Vries optreden ien de Meziekkroug van 14:20 – 15:00 uur.

Erwin de Vries, op en top Grunneger, treedt ienmiddels meer as 20 joar op mit zien Grunnegstoalege laidjes. De Grunneger tekstschriever/zanger let hom inspireren deur Grunnen, de Grunnegers en zien leven. Veul laidjes het hai al op zien noam stoan woaroet 7 albums votvluiden: Riep veur Opnoame (1997), Haim (2001) (mit zien doudestiedse band Deheleboel), Wie (2003), Aigenhaimer (2006), Dichter in Mie (2008), Leef t Leven (2011) en sinds kört t nije album De Tocht van de Noakende Zunderling. Doarnoast kwammen ook 2 DVD’s oet van zien succesvolle theoaterprogramma’s Aigenhaimer(2007) en Dichter in mie (2009).

Voak speult Erwin de Vries soamen mit zien gitarist en toetsenist of mit zien haile band. Wieders is hai te bouken bie joe thoes ien hoeskoamer. Mor ook de soamenwaarken mit bievubbeld t Noord Nederlands Orkest, Strijkorkesten of Guido’s Orchestra brengen altied wat biezunders. De laidjes van dizze singer/songwriter binnen raauw, puur en eerlieks. Hail direct, schier, persoonlek, zo nou en din absurd, mor altied mit n bosschop.

www.erwindevries.nl

Kiek HIER veur haile pergram op site Huis van de Groninger Cultuur.

Lees de MOI:

Foto Erwin de Vries: Gino Wiemann

Tags: ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vier + zeventien =

Terug naar boven ↑
  • Muziek activiteiten

    Geen nieuwe activiteiten