Muziek

Gepubliceerd op 5 februari 2013 | door Webloug

0

Duo Mokumer Molleboon 15 feberwoarie ien Amsterdam

Duo Mokumer Molleboon (Jan Sleumer & Winfried Veenker) treedt weer ais op ien Amsterdam. t Pergrammoa is wat veranderd; minder tekst en meer laidjes. Alles vanzulf ien t Grunnegs.

Oet de laange muziektredietsie van Grunnen het t duo n hail praan singuliere veurbeelden kozen veur heur pergram; laidjes deur de aiwen en deur t joar hìn. De muzikoale raais begunt mit n Oldvraize tekst oet de 13de aiwse Hunzengoër Codex. n Protestlaid oet 1542 komt veurbie, n Grunneger psaalm en laidjes oet de 19e, 20e en 21e aiw. Het deur David Hartsema oet t Frans vertoalde ‘Mien slichte laand’ van Jaques Brel, aigen waark mor ook laidjes zongen rond nijjoar, poaske, sunnemeerten, op kermissen, bruloften en potverterens.

Optreden is op 15 feberwoarie om 20:00 uur ien Tamboer, Overtoom 247 Amsterdam. Entree: 8 euro

Tamboer het gain reserverenssysteem. Noar verwachten zel der wel genog plek wezen, mor wel Jan en Wilfried kent, kin veur de zekerhaid koarten reserveren.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten