Column Jan de Jong, column

Gepubliceerd op 20 januari 2016 | door Webloug

1

‘Doan’ column van Jan de Jong

Doan

Hai gaapt en dut kop achterover. n Poar slovve ogen kieken mie aan. Hai gaapt nog ais.
n Kat draait en draait en rolt hom op tussen hond zien poten. Aander kat kropt boven op hom.
Din legt e kop mor tegen mien bain.

n Leven as kat en hond.

As k hom heur loop k mainsttied n poar blokken om. Niks gewoon proaten, aal roupen en reren. Tegen zien hond. Aalweg mor weer. ‘n Echte vechthond, ain mit pepieren.’
Zien hond lopt lös. En mit n wurgket om haals lopt e zo’n dikke meter schuuns achter hom, mit steert
leeg bie grond, of tussen achterpoten. Bie ‘lig!’ kropt e ien nkander en glópt hom mit n òfdraaide kop schaif aan.

Ik heur hom bèlken: ‘Poeskes, poeskes! Griep ze!’
Om houk van t blok komt n kat aanstoeven en n meter of wat der achter hond. Ik spring veur hond en
goa hom ien weeg stoan. ‘Goa ais af,’ vroag k hom. ‘Lig.’ Hai wait t eefkes nait en ik dou n stap noar hom tou. Intied vuil k ien buus en pak n hondekoekje. Verzichteg snuvvelt e der eefkes aan en
smikkelt hom op.
‘Kom hierrrrr…! Wat zellen we nou kriegen.’
Hond kikt mie aan en blift liggen. Ik goa deur knijen, loat hom aan mien haand roeken en striek hom
over kop.
‘Dat wil k nait hemmen.’ Man dut haand mit raim omhoog. Hai zel kommen as k dat zeg.’
‘Wee, as ie hom haauwen. En wat is dat veur flaauwkul, mit joen poeskes poeskes.’
‘Ik heb n hekel aan heur.’ Hai gript hond bie ket en ropt hom ien t ìnne. ‘Luustern zelstoe!’
Onderwegens noar hoes heur k hom aaldeur bèlken.

Vraauw wil oavends t nijs van zeuven uur kieken. Is nog ain veur van n poletieke partij. Ik druk t
geluud geliek zaachter. Wat n keboal het man. Ik heur van dat wie willen, en dat wie vienden. En ook wat wie nait willen. En nog ais, en aal vernijs.
Ong?

Ik loop gain blok meer om.

Tags: , ,



One Response to ‘Doan’ column van Jan de Jong

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vijf × 5 =

Terug naar boven ↑
  • Literatuur activiteiten

    Geen nieuwe activiteiten