Column Gert Sennema, Westkantstad, Dit Is

Gepubliceerd op 18 maart 2015 | door Webloug

0

‘Dit Is’ column van Eddy de Jonge

Dit Is

Hinderk Scholte vindt alle meziek mooi. Hij het naargens n hekel aan. Zo wil ik ook dinken. Ook net as de juust overleden filosoof René Gude. Dij zee: heb aaltied n open instelling. n Goud idee mor nait makkelk.

Dat gaait ook zo mit Grunneger meziek. Overal open veur stoan, luustern noar de mooie ideeën en klanken en meugelk zit ter din, wel wait, nog n klaain dwarreltje in. Mor doar mor nait te veul over proaten.

Ik zit weer es n moal in auto met Hinderk. Hij geft mie n cedee en zegt ‘druk dij der mor es even in’. Is dat Dire Straits? JJ Cale? Nee, ze zingen Grunnegers. Wel is dat? Gert Sennema en Westkant Stad met Dit is. Wie blieven stief en stil veur ons uutkieken noar t aandere verkeer en loaten de zwoare stem van Sennema indoalen. Grunneger popmeziek is der wel meer, in alle soorten. Mor wat is der nou aans? Dat binnen toch de teksten en de stem van Sennema. En ik mout eerlek wezen, teksten luuster ik nait aaltied even goud noar, ik goa aaltied eerst veur de melodie. Mor bie Gert Sennema kin dat nait, hij dwingt die om noar hom te luustern. Indringende teksten over t doagelks leven mit net vuilboar zien levensvroagen. Vuilst de man zien gevuil. De stem is ook fantastisch opnomen: dudelk, braid en boven alle instrumenten. En doarom vin k misschien net dat nummer mit ain accoustische gitaar (Loat mie lös) wel t allermooist ook al dut dat niks òf aan de goie muzikanten dij mitspeulen.

Gelukkeg, der is veul meziek woar ik gain hekel aan heb. En dat mot meer worden. Mor Gert Sennema staait boven dij gedachte, om hom kist nait tou, deur hom wordst vastgrepen en mitsleurd.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 × 4 =

Terug naar boven ↑
  • Literatuur activiteiten

    Geen nieuwe activiteiten