Literatuur

Gepubliceerd op 22 juli 2013 | door Webloug

1

Dichters in de Prinsentuin 2013

Dichters in de Prinsentuin gaait dizze week weer van start, 24, 25 & 26 juli, mit ditmoal n biezunder themoa: ‘Land der Horizonten’. t Festival verbredt zien horizon, doartou nuigd deur t Grunneger laand mit de verre einders, dij heur tot ver veurbie de laandsgrinzen oetstrekken: ook ien Niedersachsen en ien Schleswig-Holstein liggen akkers zover as t oog kieken kin. Doarbie is der de toalverwantschop, nou nog kinnen lu oet Oost-Nederland en Noordwest-Duutsland mekoars Nederduutse dialekten hail makkelk verstoan. Ien de Hanzetied lagen de horizonten nog veul wieder: Nederduutse dialecten werden van Brugge tot Novgorod sproken en verstoan deur elk dij wat mit handel van doun haar. Dichters in de Prinsentuin wil onder de titel ‘Land der Horizonten’ het verbond tussen de Hanzesteden heuren loaten en nuigt Duutse, Poolse, Deense en Estische dichters oet om ien Grunnen veurdrachten te verzörgen soamen mit Nederlandse en Vloamse collegoa’s.

Ien dit koader is der ook n specioal onderdail mit Grunneger en Oostfraize dichters, aan weerskanten van grup hemmen dichters mekoars waark vertoald en treden op ien koppels op dunderdagmirreg van 14:15 – 15:00 uur. De optredende koppels binnen: Jan Bos – Gerd Constapel, Fieke Gosselaar – Schulze van der Wal, Klaas Knillis Hofstra – Christa Bruns, Tonko Ufkes – Briese en Hanne Wilzing – Michael Hüttenberger.

Poëzie, poëzie en nog ais poëzie ien de Prinsentoen ien Stad op houk van Turfsingel en Kattenhage, allain op wonsdagoavend wordt festival opend ien de Puddingfabriek mit o.a. n optreden van Swinder dij ook dunderdag twij moal optreedt, mor din gewoon ien Prinsentoen.

Entree is ale doagen vergees.

Kiek HIER veur ale tieden en verschaaiden festivalonderdailen

Tags: ,



One Response to Dichters in de Prinsentuin 2013

  1. Pingback: » Grunneger dichters lezen veur ien Duutsland | Webloug

Terug naar boven ↑
  • Literatuur activiteiten

    Geen nieuwe activiteiten