Column dermot healy, henk scholte

Gepubliceerd op 8 april 2015 | door Webloug

0

‘Dermot Healy The writing in the sky’ column van Henk Scholte

Dermot Healy The writing in the sky

Dermot Healy (1947-2104 R.I.P). Weerzain mit t n olde vrund van mie, dij veuls te vroug uut tied kommen is. In 1979 kwam ik hom veur t eerst tegen op t grode Ierse meziekfestival van Ballysadare (Irish: Baile Easa Dara, meaning “settlement of the cascades of the oak”). We haren vot n goie klik mit nkander en dij is nooit meer overgoan. Schaande genogt huil t vleden joar inainen op, mor d’herinnerns zellen blieven: As in dat aine lutje laidje, zo kört as t leven zulf. Aargenswoar, onderwegens opvongen as aal dij gaanzen in heur vlucht. De tekst dringt nog aaid deur en dij aine gezoamelke melodie gaait mie mor nait uut de zin. Alles kwam op dat aine moment in n pub in t mörnlicht. t Was smui, eerlieks en t stoekte en t loog nait. t Was veur ons n vörm van hoop uut d’eerste haand. De netuur gaf t ons as n groot kedo. Nou gaait t van deur tot deur van roam tot roam van houk tot hörn. t Is schreven in de lucht en t komt ons, die en mie hail noa. Alles om ons vergaait, mor wat blift is dat aine lutje laid, dij aalgedureg weer om ons gaait. Kiek hier ook ais noar: https://vimeo.com/106511469

Dizze column staait ook op Torfke, de blogsite van Henk Scholte.

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

2 × drie =

Terug naar boven ↑
  • Literatuur activiteiten

    Geen nieuwe activiteiten