Algemeen

Gepubliceerd op 25 april 2012 | door Webloug

0

De herkomst van pleverkouken blift aaid n mysterie

Over Pleverkouken/Eierkoeken
Vanolds heer worden der in Oostgrunnen en t aanpoalende Drenthe bie begravvenizzen bie de kovvietoavel pleverkouken eten. n Vörm van folklore dat schaandegenogt in diz’ tied verdrongen wordt deur cake en Grunneger kouke. Rond dit fenomeen dat in t standoard nederlaands Eierkoeken nuimd wordt kommen der regelmoateg vroagen over, woar komt din aiglieks de benoam pleverkouk vandoan. n Ainvoldege vroage, doar aiglieks tot op heden gain aindudeg antwoord op te geven is. Der wordt regelmoateg zegd dat t woord plever zien ofkomst in Winschoot het en dat t uut de jeudse houke komt. In t woordenboukje van het Nederlands Jiddisch van H. Beem staait te lezen : “Plevekoek, soort eierkoek; oudere vorm: paleviekoek…. wieders is der n recept te vinden in ‘Joods kookboek’ van Elisabeth Wolf Cohen & Martha Cazemier, doar is der kwa receptuur sproake van kouken mit de benoamen Plava. t Blift van zulf roaden noar d’herkomst, mor noa verloop van tied is der in n leventege toal toch al gaauw sproake van n verschoeven en bastern in uutsproak. Van plava  uut t Sefardisch noar palevie noar plever is din ducht mie n aanemelke these hierbie.
Tekst: Henk Scholte op Het verhaal van Groningen. Doar is over pleverkouken nog n luk beetje meer te lezen ien t Nederlands.

Tags: ,



Reacties zijn gesloten

Terug naar boven ↑
  • Activiteiten