Algemeen

Gepubliceerd op 30 maart 2013 | door Webloug

0

De Grunneger Sproak speult ‘Stekker der oet’

Op dunderdag 11 april gaait ien t Der Aa-Theater ien Stad de veurstellen Stekker der oet van de Grunneger Sproak ien première. Stekker der Oet is schreven en regisseerd deur Theo de Groot – bekend van regiotheater Peerd – dij mit dizze veurstellen Grunnen ien t hier en nou zain loaten wil. Noa première is stuk nog te zain op 12 en 13 april en van 18 t/m 20 april.

Stekker der oet nimt joe nait allain mit noar t roemrucht verleden van de Grunneger Sproak mor ook noar de meugelke toukomst van dit theoater. n Duustere toukomst, zo liekt t. t Theoater mot noamelk sluten. Op de leste dag mot beheerder Schulten ofschaaid nemen van t verleden. Hai zigt slim op tegen de dag van mörn.

Aans as titel suggereert wil de Grunneger Sproak mit dizze veurstellen t Grunnegstoaleg volkstheoater nij leven ienbloazen. Want: is nait elk ìnd t begun van wat nijs? Kortom: stekker mout der weer ien!
De Grunneger Sproak wil mit Stekker der oet n nije richten iensloagen, n richten dij aanslut bie t Grunnen van vandoag de dag, en doarmit ook richten geft aan de toukomst.

Stekker der oet is humorvol, muzikoal, melancholisch volkstheoater mit n sprankje hoop en westerbuurse klanken

Veurstellen is veuraal Grunnegstoaleg en wordt dails speult deur leden van de Grunneger sproak en lu dij veur dizze veurstellen aantrokken binnen. n Gemêleerd gezelschop van jong en old, Grunnegs, Vrais en Oafrikoans. Mor de kern is vanzulf hartstikke Grunnegs.

11 t/m 13 en 18 t/m 20 april
Der Aa-Theater, Akerkstraat 11, Stad
aanvang: 20:30 uur
Entree: € 10,00, donateurs en CJP €8,-
Reserveren: info@deraatheater.nl of 050-3117738

Tags: , ,



Reacties zijn gesloten

Terug naar boven ↑
  • Activiteiten