Algemeen

Gepubliceerd op 3 oktober 2013 | door Webloug

0

De Grunneger Sproak speult nog drij moal ‘Stekker der Oet’

Op vrijdag 18, zodderdag 19 en zundag 20 oktober speult theoatergroep De Grunneger Sproak vannijs de veurstellen Stekker der Oet. t Stuk ging ien première op 11 april 2013 en is doarnoa nog vief moal speuld. Vanwege de enthousiaste reaksies van de bezuikers het regisseur Theo de Groot – bedenker van Stichting Peerd – besloten t stuk nog drij moal op te voeren. De drij veurstellens binnen ien het Der-Aa-Theoater, het hoestheoater van de De Grunneger Sproak.

Stekker der Oet nimt joe mit noar t roemruchte verleden van de Grunneger Sproak en heur hoestheoater. De tied van kovvieverziedes, de tombola’s en… de tied dat de riegen bezuikers sums tot aan Der Aa-kerk stonden. n Mooie herinnern, mor zo is t op t heden nait maar.  n Duustere toukomst, zo liekt t. t Theoater mot noamelk sluten, zo gaait t in t stuk. Op de leste dag mot beheerder Schulten ofschaaid nemen van t verleden. Hai zigt slim op tegen de dag van mörn.

Aans as titel suggereert wil de Grunneger Sproak mit dizze veurstellen t Grunnegstoaleg volkstheoater nij leven ienbloazen. Want: is nait elk ìnd t begun van wat nijs? Kortom: stekker mout der weer ien!
De Grunneger Sproak wil mit Stekker der oet n nije richten iensloagen, n richten dij aanslut bie t Grunnen van vandoag de dag, en doarmit ook richten geft aan de toukomst.

Stekker der Oet is humorvol, muzikoal, melancholisch volkstheoater mit n sprankje hoop en Westerbuurse klanken. Speuld deur n bont gezelschop van leden en nait-leden van De Grunneger Sproak.

Stichting De Grunneger Sproak
Akerkstraat 11-11b, Stad

18 oktober om 20:30 uur / 19 oktober om 20:30 uur / 20 oktober om 14:30 uur
Entree: € 10.00 / CJP € 8,00 / Donateurs vergees

Reserveren via: info@deraatheater.nl of: 06 23930847

Tags: , ,



Reacties zijn gesloten

Terug naar boven ↑
  • Activiteiten