Muziek

Gepubliceerd op 21 januari 2014 | door Webloug

1

d’Aaierbale in Twij Deuntjes veur Ain Cent (week 4)

Dizze weke dou we ook ais wat aan cultuur in de frituur. t Dut ons inainen haile goud dat de meziek in Nederlaand en doarboeten d’oflopen weekend tiedens Eurosonic en Noorderslag veur zukzulf d’Grunneger aaierbale ontdekt hebben. d’Aaierbale zel middels aal dij muzikanten de haile wereld verovern dat zeg ik joe dat ik joe brom en High Temperature van Herbert Grezel hebben doar aal vroug de veurtaauw in nomen. In Twij deuntjes stoan we dizze weke doar eefkes bie stille. d’Aaierbale as nij symbool veur Stad en Ommelaand en aander kontraainen longern ons dus tou. Zo as Jan Veldman ’t Geluk is as Saauwerd veur mie’ zingt krigt t inains n hail aandere wending as ie mit t spoor noar Oskerd goan. De band Woarom nait het ook hail wat te stellen mit ‘dommee vief veur ain’. t Komt min of meer hier op dele, as traain op tied gaait din klopt der aiglieks wat nait.

Wieder stoan we ook eefkes stille bie n magistroale live-vertolken van Marlene Bakker heur ‘Wondern van mien stee’ mit t Noordpool Orkest. Echte meziek dat ons rakt in t daipst van menneg gemoud. Alex Vissering let zien veulziedeghaid in stijlen hail goud heuren in zien ‘Luchtbel’, dij ducht ons aalmeer in richten van n Grunneger lambada gaait…

Elke waarkdag van 18:00-19:00 uur. Speulliest is HIER te bekieken.

Foto @ http://kookenz.blogspot.nl

Tags:



One Response to d’Aaierbale in Twij Deuntjes veur Ain Cent (week 4)

Terug naar boven ↑
  • Muziek activiteiten

    Geen nieuwe activiteiten