Muziek

Gepubliceerd op 10 juli 2014 | door Webloug

0

Crowd funding veur de CD ‘Aanspould’ van Roel van der Zee

Project ‘Aanspould’ is aangoan; n CD veur t Multi Functionele Centrum ien Brouk. Ien kommende 4 moanden moakt Roel van der Zee, Grunneger Chansonnier, n duvelsschiere CD, en schrieft hai mit kiender van legere schoul insp. Amerikoa van Brouk n openenslaid veur nije schoul. Kiender van schoul ontwaarpen ok omslag van CD, woarop zo’n 10 Grunneger laidjes kommen te stoan. Sfeervolle laidjes, zoas je dat van Roel van der Zee verwachten maggen. CD wordt t welkomstcadeau veur aal bewoners van dit nije Multi Functionele Centrum.

Veur realisoatsie van dit project binnen sinten neudeg. Sinten dij wie dails kriegen oet subsidies, mor ok deur t bescharreln van CD bie veurverkoop. Een vörm van crowd funding zeg mor. Veur CD ‘Aanspould’ van Roel is lat legd op verkoop van teminnent 250 CD’s. Doun ie mit en kommandaaiern joe CD Aanspould ien t veuren? Moak din € 20,00 (inclusief postkosten) over op rekennummer NL52 TRIO 0197 8832 73 op noam van E.H. Loonstra. Loat t joe nait ontkommen om bie omschrieven joen noam en adres te vermelden. CD Aanspould ligt din zo aan t ìnd van oktober bie joe ien klipgat.

Joe moaken ons haile blied as je veur ons bokje stoan goan deur dit schrieven wieder te zenden aan joen femillie en vrunden dij nait spijen op n schier Grunnegs meziekproduct. Informoatsie over project Aanspould kinje vinden op website van Roel van der Zee en op Roel zien Facebook paginoa. Gloepensveul dank veur joen hulp.

(Op foto Roel van der Zee)

Tags: , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten