Muziek

Gepubliceerd op 24 april 2012 | door Webloug

0

Concert Baradoz 29 april ien kerk van Zuurdiek

Baradoz moakt sunt 1997 meziek. Soamen binnen de zes muzikanten op zuik noar t parredies, ien t Bretons Ar Baradoz.  t Gezelschop is doar noar vernuimd. Al joarenlaank loat dizze meziekgroep heur aanpeerdjen deur olle klassieke meziek en volksmeziek. Zai binnen op zuik noar woddels doarvan en geven doar n aigen klankkleur aan. Ie heuren hail verschillende klanken op hail verschaaiden instruminten: delicoate geluden van  n luit noast n beschaaiden doedelzak, n lözze mandoline, n twinkelnde barokgitoar, flòiten ien verschaaiden moaten, n soproanfioul en n altvioul, n gamba en ook nog ais n hakkemak en nikkenak slaginstruminten.
Der wordt bie zongen en der wordt over verteld: hou t ontstoan is, wereld derom tou, n verhoal, n gedicht.
Meziek van dou en assmis ook van nou. t Waark is leste tied oetbraaid mit n gapsel aigen komposities en teksen, ien t Grunnegers, t Vrais en t Drints. Webstee van Kerk.
 
Stee: Kerk van Zuurdiek
Tied: Zundag  29 april om 15.00 uur
Entree: € 7,- (kiender vergees)

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten