Muziek

Gepubliceerd op 4 juni 2013 | door Webloug

0

Carmina Burana ien t Grunnegs

Op 19 en 20 juni geft de Muziekschool Kunstbedrijven Westerkwartier oetvoerens van de Carmina Burana ien t Grunnegs, soamen mit Ernst Daniël Smit. Het is n uniek, educatief projekt van en veur leerlingen en amateurs, begelaaid deur professionals. Carmina Burana is componeerd deur Carl Orff. Initiatiefnemer van dizze Grunneger oetvoeren is docent en dirigent Roelf Postma, teksten binnen vertoald deur Alie de Vries. Bariton Ernst Daniël Smit verlaint zien mitwaarken en de sopraan- en tenorsolo’s worden zongen deur Fardau van der Woude en Jeroen Helder. Dirigent is Johannes Leertouwer.

t Zestegkoppeg orkest bestaait oet muziekschoulleerlingen van 6 tot 60 joar. Theo Brouwer (Frysk Jeugdorkest) is inspirator en repetitor van t orkest. t Muziekschool-projectkoor bestaait oet roem 50 zangers en zangerezzen oet de regio Westerkwartier en zingt ien de toal dij elk doagelks om hom hin heurd. t Is hail biezunder om de aigen toal ien dizze specioale vörm te heuren. Veurofgoand aan de oetvoerens op 19 en 20 juni is der nog n groates openboare, generoale repetitie op 18 juni.

18 juni: Openboare, generoale repetitie (zunder Ernst Daniël Smit) ien Gereformeerde kerk de Rank, Westergast 8, Zuidhorn, aanvang 20:15 uur. Entree vergees.

19 juni:  Gereformeerde kerk de Rank, Westergast 8, Zuidhorn. Aanvang 20:15 uur. Entree € 10,-

20 juni:  Gereformeerde de Hoeksteen, Lindesteinlaan 1, Leek. Aanvang 20:15 uur. Entree € 10,-

Veurverkoop:
Drukkerij Dousma & Dousma, Tolbertstraat 31, Leek
Delicatessenzaak ’t Kappertje, Hoofdstraat 29B, Zuidhorn

Reserveren kin ook via www.kunst-bedrijven.nl

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten