Algemeen Reitsema Piet

Gepubliceerd op 15 maart 2018 | door Jan Glas

0

Broescursussen Grunnegs op Dag van de Grunneger toal

Op Dag van de Grunneger toal zellen der twij broescursussen geven worden deur Meike Stedema en Piet Reitsema.

Van 12:00 – 12:30 uur is der de workshop “Onder Vrunden” van Piet Reitsema moakt de bezuiker kennis mit t Grunnegers. T is n toal van heuren, zeggen en schrieven. Alle drij kommen ien dizze broescursus aan bod.

Piet Reitsema is diplomeerd docent Grunnegs. Hai het vanòf 2006 cursussen Grunnegs verzörgd. Doarnoast het hai mitwaarkt aan n methode om Grunnegs proaten en schrieven te leren: t bouk “Zeg t mor”.

Van 15:00 – 15: 30 uur geft Meike Stedema n broescursus Grunnegers schrieven. Belangstellenden kinnen zo kennis moaken mit de rieke varioatsie binnen t Grunnegs. De verschillende varianten binnen de toal en de Grunneger spellen kommen aan bod: binnen der bepoalde principes woar n geschreven zin aan voldoun mout?

Meike Stedema is sinds 2004 actief ien de Grunneger toal. Noa de oplaaiden tot docent Grunneger toal zette ze verschaaiden toalcursussen op, onder meer ien Bellingwolde en Scheemda. Mit n aantal cursisten vertoalde zai t toneelstuk Addergebroed van Hans Elbersen. Loater gaf zai ook lessen Grunnegs op middelboare schoulen ien Ter Apel en Winschoten.

Bekiek t haile pergram HIER.

Lees de MOI.

Tags: , , , , ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

tien + negen =

Terug naar boven ↑
  • Activiteiten