Algemeen hindry schoonhoven

Gepubliceerd op 19 maart 2015 | door Jan Glas

0

Broescursus Grunneger Waarkwoorden Deur Hindry Schoonhoven op Dag vd Grunneger toal

Hindry Schoonhoven (1978) gruide op ien Appingedam. Hai studaaierde planologie en waarkt as belaaidsmitwaarker roemtelke ordening en tekstredacteur bie  gemainte De Marne. Veur studie en waark woonde hai ien ale oethouken van t land, mor ien 2003 kwam hai weerom noar t Noorden. Wonend ien Fraisland rouk hai inspireerd deur de menaaier woarop de Fraizen heur toal koestern. Hai ging hom verdaipen ien zien aigen moudertoal, t Grunnegs, en volgde vanòf 2011 cursussen bie Fré Schreiber, Kees Reinders, Wim Bastiaanse en Siemon Reker. Ien de zummer van 2013 begon Hindry as docent Grunnegs bie t Huis van de Groninger Cultuur. n Poar moand loater leverde zien verhoal Baargen de daarde pries op bie de Pervinzioale Schriefwedstried 2013 en ien meert 2014 won hai t Hogelandster dictee. Soamen mit Christopher Bergmann schreef hai t bouk Hogelandster waarkwoorden. Zai prezenteren dit bouk op de Dag van de Grunneger Toal.

Ien de broescursus ‘Grunneger waarkwoorden’ legt Hindry Schoonhoven de regels veur t schrieven van Grunneger waarkwoorden oet. Ook leert hai joe wat der zo typisch Grunnegs is aan alternerende waarkwoorden en wat de greune volgorde behelst. Aan de hand van t bouk ‘Hogelandster waarkwoorden’ (primeur op de Dag van de Grunneger Toal!) let hai zain hou je n zwak waarkwoord vervougen en houveul onregelmoatege waarkwoorden der binnen ien t Grunnegs. Mit n poar vertoaloefeningen kinnen ie joen nije kennis votdoalek toupazen.

Bekiek HIER t pergrammoa van de haile DAG.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

acht + 18 =

Terug naar boven ↑