Algemeen

Gepubliceerd op 7 februari 2012 | door Webloug

2

Bert Hadders en de Nozems prizzenteren ‘De Coöperoazie’

Bert Hadders en de Nozems prizzenteren zodderdag 11 feberwoarie ien Viadukt ien Stad heur nije spaigelploatje ‘De Coöperoazie’
Stadjer Bert Hadders is van oorsprong Drents, en zingt ien t Veenkolonioal Drents. Ien t ‘Knoalsters’ om persies te wezen. Hadders let hom inspireren deur schrievers as Elmore Leonard, Kurt Vonnegut en Jan Veldman en schrift over persoonleke ervoarens.
Ien zummer van 2008 zuikt zanger/laidjesschriever Hadders muzikanten veur  Peerd en Woagen, n stuk van theoatergroep Peerd. Hai komt terecht bie bassist Johan Viswat en gitarist Wyno Bruinsma. Heur band Luie Hond haar landelk sukses mor was oet nkander valen, baaide mannen gingen soamenwaarken mit Hadders. Toak van drummer Dim Junius wordt vanof april 2011 tiedelk overnoamen deur Jetse Goris. Veur t project ‘De Coöperoazie’ is Bert Hadders en de Nozems oetbraaid mit drummer André Gubbels en de multi-instrumentalisten Hette en Henk Gubbels en Jeroen de Jong.
Ien de Grunneger teksten van De Nozems zitten grappege woordspeulens en aigenzinnege toalvondsten verpakt ien bondege laidjes ien verschaaidende stijlen. Reggae-achtege nummers, country, pop en rock. Voak voert wensteghaid boventoon.
Zodderdag 11 feberwoarie eerst n optreden van de Nozems (vanof 10 uur) en stoef doarna daanzen enzo op aibels schiere ploatjederij van Dj Jan Kooi (Elpee). Viadukt, H. L. Wichersstraat 2 ien Stad.

Tags: , , , , , , , , ,



2 Responses to Bert Hadders en de Nozems prizzenteren ‘De Coöperoazie’

Terug naar boven ↑
  • Activiteiten