Muziek Bas Schröder, Henk Scholte,

Gepubliceerd op 24 februari 2015 | door Jan Glas

0

Bas Schröder wonsdag te gast in Twij Deuntjes

Woensdag is Bas Schröder van Swinder te gast. Hij vertelt over de nieuwe elpee die in maart verschijnt en laat de muziek horen die hem inspireert

In d’oflopen moanden gonsde deur Stad en Ommelaand t gerucht dat de Grunneger band Swinder drok aan loop was mit n noagelnije langspeulploade, dij op t laandelke en degelke Exelsior label verschienen zel. Iedere keer wuir zegd hai is sikkom kloar, mor din kwam der weer n vertroagen achter vot, zodat t termien van verschienen aalgedureg weer ais verschoven wuir. Nou is t vief veur elf, nee, t Is vief veur twaalm en t kerwaai is nou, t mout der nou echt van kommen, sikkom kloar. As t goud gaait is e der al op 6 meert en zel din op 13 meert prizzentaaierd worden in VERA . Wie wollen toch ais meer waiten hou dat aalmoal in nkaander stekt en hebben de zanger laidjes schriever Bas Schröder nuigd om t ain en aander tou te lichten en uut te stukken. Wat veur ons aaltied n meroakel blift dat Bas van huus uut, hai komt van Den Hörn in t Westerketaaier, n Grunneger van komòf is. t Noeit as omgangstoal sproken het, en der toch in schrift en zingt. Aiglieks is zuks n goud veurbeeld van ain dij t Grunnegs bruukt as n goud stuk raive om laidjes in te schrieven. Tiedens mien gesprek kon t mit hom din ook smui ale kaanten opgoan. t Grunnegers as twijde toal kin e haile best bruken om zien verhoalen en daipste gedachten in laidjes te gaiten. Hai staait doar in Grunnen leste tied ook nait allain in. Der is in Grunnen op t heden n nije generoatsie van laidjesmoakers opstoan dij zuk doar nuver en ongehinderd mit redden kin.Vanwoar dij ommezwaai van Punk noar Grunneger streektoalpop? Bas zee hail rezoluut: “Ik kin dat lewaai nait meer zo goud aan de kop velen, vandoar dij aandere koers dij k insloagen bin.” Swinder het n verschaaidenhaid themoa’s bie de kop en schuwt in bievubbeld zien ‘Twijde Hans’ na t engagement van t ogenblik nait. Bas sprekt zuk ook dudelk uut over levensvroagen doar jongelu en t older jonkvolk op t heden mit te kampen hebben.

In ‘Vief veur Elf’ is e weerom op olderliek nust in de stroaten van zien jeugd. De clip, dij der bie moakt is, ridt as n troage bierieder tou dörp uut. Swinder gaait zo aan raais de wiede wereld in. Doar woar de klokke sneller tikt din oeit. Bas wait mit d’aander pazzipanten van Swinder as gain aander mit de neudege humor en n vedde knipoog doar n hail aigen muzikoale draai aan te geven. Veur dizze gelegenhaid het e as schiere veurbeelden haile diverse meziek van o.a. de Canadeze band ‘The weakerthans’ mit ‘Reconstruction site’, de Amerikoanse Laidjesman Ryan Adams mit ‘New York New York’ en de Vloamse dialectband de ‘Fixkes’ mit ‘Ongelukkeg’ veur ons uutzöcht. As besloet gaait Swinder beschaauwend ‘Mit wotter noar zee’ stoef veurbie aan t onbegrip van n onvervuld verlangen veurbie.

Speulliest is HIER te bekieken.

(Foto © Rolf Schreuder)

Tags: ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zeven − 5 =

Terug naar boven ↑
  • Muziek activiteiten

    Geen nieuwe activiteiten