Literatuur

mit n biedroage van dichteres Aly Freije

Op zoaterdag 23 juni wordt veur de daarde keer ‘De nacht van de vleermuis en de nachtvlinder’ organiseerd in en rondom Domies Toen in Paiderboeren. Dit evenement van 20.30 – 01.00 uur is vergees en elk en aine kin op ale tieden besloeten t pergram te volgen. 

De veule planten en bloumen in Domies Toen trekken fleddermoezen en veul nachtvlinders aan, dij je allinneg zain kinnen as t twijduustern begunt. Der wordt verteld over verschillende fleddermoezen en ze binnen ook te heuren. Jan Jaap Boehle zal rondom 23.00 uur nachtvlinders vangen en zain loaten.

Veurofgoand is der vanof 20.30 uur n gevarieerd pergram mit optredens in de Petruskerk, in Domies Toen, de theeschenkerij en de Buitenplaatsmit zang, örgel- en pioanospel, gitaarmuziek, gedichten, theoater en film. 

Vanòf 21.00 uur kinnen lu om t uur mit m huifkar (of lopend) noar t wad en op diek noar gedichten en muziek luustern. Aly Freije (foto) brengt om 21.00 uur heur gedichten in de huifkar op t Dieksterpad en om 21.30 uur nog n moal op diek. Om 22.00 droagt ze veur in kerk woar ook  Henk-Doeke Odinga op pioano en orgel te heuren is. Om 22.30 volgt nog n keer n veurdracht in Domies Toen. Din kieken en luustern noar vlinders en fleddermoezen.

Meer informoatsie op webstee van Domies Toen

Foto: Jan Glas

Reacties zijn gesloten