Literatuur no image

Gepubliceerd op 12 januari 2015 | door Jan Glas

0

Alie Aukes-Roemeling oet tied komen

De Grunneger veurdrachtskunstenoares en börgmeestersvraauw Alie Aukes-Roemeling is zundag 11 jannewoarie mit 91-joar uut tied kommen. Tot 2000 was ze nog slim actief en raaisde ze Stad en Ommelaand òf om heur verhoalen te vertellen en dat dee ze maistkaans uut de blode kop in t Grunnegers. Ze dee dat voak veur Rederiekers, Vraauwenverainens, t Nut en wat nait aal op heur pad kwam.

Ze wuir veur heur smuie proat slim waardeerd. En mor aal te voak wuir ze noa zo’n mooie oavend wuir vot veur t aankommend joar weer vroagd. Mit t klimmen van de joaren besloot ze der in 2000 mit te stoppen. Gelukkeg kwam der dou nog t schier boukje ‘Ik wait nog goud’ uut mit n keur van heur verhoalen dij optaikend binnen deur de Pekelder schriever en onderwiezer Luuk Houwing. t Sprekt vanzulf dat zukswat in geef Grunnegers mos en je kinnen t lezen as n levensverhoal van n timmermansdochter in Scheemte. In de verhoalen komt ook heur man Henk Aukes regelmoateg veurbie. Gewoon as doagliekse belevenizzen van n stel dij geern bie t pad is. Ook heur verleden in t verzet wordt in belevenizzen tou uutdrukken brocht. Heur verblief dou in Vught is doarbie n hail apaart hoofdstuk uut heur leven. Alie heur veurdrachten maggen din al tieden leden stopt wezen, heur verhoalen in ‘Ik wait nog goud’ zellen ons aaltied bieblieven.

Tags: , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 + 1 =

Terug naar boven ↑
  • Literatuur activiteiten

    Geen nieuwe activiteiten