Literatuur no image

Gepubliceerd op 18 maart 2016 | door Jan Glas

0

AANBAIDEN BOUK GRUNNEGER GRIMM AAN GEDEPUTEERDE FLEUR GRÄPER OP DAG VAN DE GRUNNEGER TOAL

Op 19 meert wordt op de Dag van de Grunneger toal de ‘Grunneger Grimm’ prezenteerd. Der binnen viefteg sprookjes ien opnomen, vertoald deur Marten van Dijken dij o.a. ook mitwaarkt het aan vertoalen van Grunneger Biebel en de Grunneger Kienderbiebel. Wel kin ze nait, de sprookjes van Grimm: Aaskepoester, Klaain Doemke, Roodkapke of Kwoaie wolf en de zeuven bokjes? De beroemde sprookjes binnen ien 1812 veur t eerst verschenen en onderhand ien meer as 160 toalen vertoald. Peter Boersma en Hilda Groenesteyn hemmen veur dizze oetgoave ploaten moakt bie elk van de 50 sprookjes. Noagelnije ploaten dij nait allain aantrekkelk binnen veur kiender, mor deur de geloagdhaid, ook schier veur wozzen lu. Der kin nou veurlezen worden aan (klaain)kiender ien de toal van de (groot)olden en kiender leren ‘Roodkapke’ en ‘Snijwitje’ kennen, ienstee van ‘Roodkapje’ en ‘Sneeuwwitje’.

t Bouk is n oetgoave van Stichting t Grunneger Bouk en zel tiedens de opening van de Dag van de Grunneger toal aanboden worden aan Gedeputeerde van Cultuur Fleur Gräper.

Tags:



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

4 − 2 =

Terug naar boven ↑
  • Literatuur activiteiten

    Geen nieuwe activiteiten