8 december jubileumveurstellen ‘Nije Man’ van WAARK mit specioal pergrammoa en stamppot

WAARK bestaait 40 joar, reden veur n feestje! Ien Stadsschouwburg is op 8 december n jubileumveurstellen van De Nije Man. Veurofgoand is der n feestelk mirregpergrammoa mit optredens van o.a. Vrouw Holland, Arnold Veeman en Arno van der Heijden mit Bas Mulder. Verder is der n smoakelk stamppotbuffet. Noast n muzikoale biedroage zel Arno van der Heijden ook de prizzentoatsie verzörgen. t Jubileumpergrammoa begunt om 16:30 uur. Entree is € 15,00. Veur koarten kiek op WEBSTEE van Stadsschouwburg.