7 april soamenkomst dailnemers Biebelvertoalslag
Op Leutje Poask, 7 april, is de ofslutende mirreg van de Biebelvertoalslag over Doaved. Der binnen lu aan slag goan mit t verhoal van Doaved, t herdersjong dij keuneg wer. As jonkje kon e al schier haarpspeulen en op loadere leeftied schreef e prachtege laidern. t Iengeleverd beeldend waark wordt beoordaild deur Henk Helmantel en Reinder Tuitman bespreekt t schriftelk waark.
Tiedens t pergram dat om 15:00 uur begunt treedt Lianne Abeln op.
Ien de ofslutende vesper om 17:00 uur zel Peter Westerink, örgenist van de Der Aa-kerk, de soamenzang begelaaiden en n poar improvizoatsies heuren loaten.
Zundag 7 april
Zoal is open om 14.30 uur
Immanuëlkerk, Overwinningsplein 1, Stad
foto: Reinder Tuitman langt in 2012 eerste pries tou aan dichter Willem Tjebbe Oosterbrink.
