Muziek

Gepubliceerd op 18 september 2012 | door Webloug

0

30 september concert Lianne Abeln

Op 30 september is der n concert van Lianne Abeln ien Hoogeveen. Al meer as 50 joar zingt Lianne Abeln heur repertoire, dat, tot op dag van vandoag oetgebraaider wordt: Grunnegs, Drents, Ost-Fries (Platt Duuts), Nederlands en Franse chansons. Honderden laidjes woarvan Abeln zulf mainst muziek en tekst schreef. Ze het ook veul soamenwaarkt mit tekstschrievers as David Hartsema, Jan Klompsma, Marga Kool, Greta Schoon en Jan J. Boer. Abeln het veul priezen kregen veur heur waark, ien 2011 kreeg ze bieveurbeeld de Grunny Award, de muziekpries van RTV Noord. Bie heur optredens ien theoaters, grode en klaaine zoalen, radio en tv, wordt Lianne al zo’n 40 joar vergezeld deur heur begelaaider, arrangeur, gitarist/basgitarist Ed Wennink. Pianiste Nettie Vening is ook alweer n flink aantal joaren n vaste muzikoale begelaaider. Bie t optreden ien Hoogevaeen wordt de band aanvuld mit Alieke Ramos Marta – dwarsfluit, Christiaan Thomasius – cello, Gerard van der Laan – spinet/accordeon, Jan Penninkhof – klassiek gitaar.

Tiedens t optreden ien Hoogeveen zingt Abeln repertoire van heur nije cd-box ’t Goie Leven’. Hierop geven 44 laidjes n mooi overzicht van heur muzikoale loopboan, aanvuld mit 18 nije nummers.

Toonzaal – Scala Hoogeveen, Markt 5 Hoogeveen
Zundag 30 september, aanvang 15:00 uur
Entree: € 6,00 (incl. kovvie)

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten