Algemeen

Gepubliceerd op 30 oktober 2013 | door Webloug

0

30 november prizzentoatsie körte film Liudgerstichten

Noa t uutkommen veureg joar van de Kienderbiebel en t dagboek Dag & Deur het de Liudgerstichten besloten van t joar weer met wat nijs te kommen: n meziekfilmke.

Dit meziekfilmke wordt zotterdagmiddag 30 november prizzenteerd ien e kerk van Oskerd en vanzulf mag elkneen doar bij weden. Rond lied 192 uut Psaalms & Gezangen is n körte film moakt: bij de woorden bennen beelden zöcht en toegelieks klinken de woorden ien zang en meziek. Op 30 november is de film te zien op n groot schaarm, as onderdeel van n mooi programma met veul meziek. Loater zel dit filmke ploatst worden op de website van de Liudgerstichten, het Verhaal van Groningen enz.

Over de ienhold van de körte film en over de prizzentoatsie is van alles te zeggen en toch doen we dat niet: kom op zotterdagmiddag 30 november gewoon noar de Olde kerk ien Oskerd! De ienloop is vanof 14.00 uur, t programma begunt om 14.30 uur. Groag tot 30 november.

(foto’s: bovenste twij: Fokje Staal, onderste foto: Gerrit de Vries)

Tags:



Reacties zijn gesloten

Terug naar boven ↑
  • Activiteiten