Literatuur

Gepubliceerd op 2 december 2014 | door Webloug

0

3 december leste Dichtclub Café Marleen

Al twaalf joar laang treedt elke eerste wonsdag van de moand De Dichtclub op ien café Marleen ien Stad. De groep bestaait oet ongeveer 11 dichters dij elk nait laanger as vief menuten veurdroagen, n verplicht nij gedicht ienbegrepen, en elke moand is der n gastdichter. Der binnen ook n aantal Grunneger dichters lid west, zo as: Kees van der Hoef, Jan Glas, Fieke Gosselaar en Klaas Knillis Hofstra. 

Schane genog gaait café Marleen per 1 jannewoarie sluten. Jan Strikwerda, de man van aigenoaresse Marleen Vermooten, is slim zaik en Marleen wil ale tied hemmen om hom te verzörgen.

Om de ofgelopen joaren op n mooie menaaier òf te sluten en Jan en Marleen te bedanken veur heur joarenlaange gedrevenhaid veur de poëzie, zel der van de leste Dichtclub-oavend op 3 december n extroa specioale oavend moakt worden.

Kom apmoal om der n gedenkwoardege leste Dichtclub van te moaken!

Oavend begunt om 20:30 uur

(Foto ofkomsteg van http://boterdiep117.blogspot.nl)

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten