Literatuur

Gepubliceerd op 23 oktober 2012 | door Webloug

0

27 oktober prizzentoatsie dichtbundel van Annie Mekel

Op zodderdag 27 oktober wordt de dichtbundel ‘Vurgen’ van Annie Mekel prizzenteerd. t Is Mekel’s twijde dichtbundel, ien 2009 kwam ‘Spaigeln’ oet. Ien nije Toal en Taiken staait n oetgebraaid interview mit dichteres. ‘Minsken hier kennen mie as nogaal n gesloten type, dij nait gaauw t achterste van heur tong zain let, en zeker nait van heur daipere gevuilens. En juust in mien gedichten kon ik dat wel, omreden dat ik hierin gebruuk kon moaken van beelsproak. Doarachter kon ik mien gevuilens ‘verstoppen’. Veul minsken hebben mie der over schreven of beld dat ze zuk herkennen konden in mien gedichten. Dat dee mie zo goud, dat ik meer gedichten schrieven kon en wol. Ik leerde ook, dat je veul meer dingen vertoalen konden in n gedicht. En juust in t Grunnegers vuilde ik mie doarin thoes.’
Eerste eksemploaren worden oetlangd aan Kees Reinders en Fré Schreiber. Geraldien van Mechelen en Harriët de Jonge zörgen veur de muziek.

Bundel wordt oetgeven deur Stichting Uitgaven Noord-Groningen

Aanvang: 15:30 uur
27 oktober ien Dorpshuis ’t Ol Schoultje
Torenstraat 1, Huizinge

Tags: ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten