Algemeen

Gepubliceerd op 8 oktober 2013 | door Webloug

0

27 oktober Grunneger kerkdainst in Olle Lutherse Kerk Amsterdam

Op zundag 27 oktober 2013 is t weer zo wied. Veur zeuvende keer n Grunneger kerkdainst in Olle Lutherse Kerke in Amsterdam. t Gaait dizze raaize over geliekenis van Farizeeër en tollenoar (Luc. 18). Thema: ‘Nait te min!’. Dainst wordt laaid deur domie Harry Donga.
Arnold Veeman – Surinoams-Grunneger troubadour oet Kloosterburen – zingt Grunneger ballades oet zien album
‘Toukomst’. Kunstenoares Maria Madelon (Kloosterburen) exposeert mit heur schilderijen ‘n wereld vol licht’Christiaan de Vries speult örgel. En wie goan mit buultje rond veur t Wereldhoes – oademstee veur migranten zunder papieren – en onkosten van dainst. Vanzulf is der noa dainst kovvie & kouke en zingve t Grunnegs volkslaid.

Wie nuigen elk en aine dij wat mit Grunnen het, netgliek van welke richten ie binnen (gain richten is ook goud), um dainst te bezuiken. En zeg t wieder!

Doatum: Zundag 27 oktober 2013
Tied: 10.30 uur (um 10.00 uur is kerke al open)
Stee: Olle Lutherse Kerke, aan het Spui, Amsterdam (Singel 411) Der is n crèche dus t lutje goud kìn ook mit.
Tram 1,2,5 stoppen bie halte Spui en tram 4,9,14,16,24,25 bie halte Spui/Rokin.

Meer waiten? Lutherse Diaconie in Amsterdam, Hanne Wilzing: h.wilzing@diaconie.com, Maasstraat 148, 1079 BK Amsterdam. Tel: 020 4044708 www.diaconie.com. Dizze dainst wordt organizeerd deur Lutherse Gemainte Amsterdam, dij dit joar 425 joar bestaait. Meer waiten? Kiek even op www.luthersamsterdam.nl

(ofbeelden: Maria Madelon ‘Martini in blaauw’)

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten