Algemeen

Gepubliceerd op 30 september 2014 | door Webloug

0

26 oktober Grunneger kerkdainst in Amsterdam

Op zundag 26 oktober 2014 is t weer zo wied. Veur achtste keer n Grunneger kerkdaainst in Olle Lutherse Kerke in Amsterdam. t Gaait dizze raaize over Jona. Thema: ’t Kìn ook aans’. Dainst wordt laaid deur domie Harry Donga. Marlene Bakker oet Smilke, zingt mit begelaaiden van Gerhardt Heusinkveld heur nijste Grunneger waark. Fotogroaf Martin Wiegand Bruss (oet Stad) exposeert mit foto’s van t Grunneger landschap. Christiaan de Vries speult örgel. En wie goan mit buultje rond veur t Wereldhoes – oademstee veur migranten zunder papieren en onkosten van dainst. Noa dainst zingve t Grunnegs volkslaid en is der kovvie&kouke.

Wie nuigen elk en aine dij wat mit Grunnen het, netgliek van welke richten ie binnen (gain richten is ook goud), um dainst te bezuiken. En zeg t wieder!

Meer waiten? Lutherse Diaconie in Amsterdam: h.wilzing@diaconie.com. Maasstraat 148, 1079 BK Amsterdam. Tel. 020-4044708. www.diaconie.com

Doatum: zundag 26 oktober 2014
Tied: 10.30 uur (um 10.00 uur is kerke al open)
Stee: Olle Lutherse Kerke, aan het Spui, Amsterdam (Singel 411)
Der is n crèche dus t lutje goud kìn ook mit.
Tram 1,2,5 stoppen bie halte Spui en tram 4,9,14,16,24 bie halte Spui/Rokin.

Tags: , , , ,



Reacties zijn gesloten

Terug naar boven ↑
  • Activiteiten