Literatuur

Gepubliceerd op 12 mei 2014 | door Webloug

0

17 maai Schrieversdag Kunstgaang Kaampke en nije bundel

Op zodderdag 17 maai organizeert Kunstgaang Kaampke weer heur joarlekse ‘Schrieversdag’, ditmoal ien dörpshoes Bij Jacobus ien Zeeriep. Op dizze dag lezen schrievers en dichters heur Grunneger teksten veur aan publiek en kollegoa’s. Deurgoans doun zo’n 20 schrievers en dichters mit, dag begunt om 9:30 uur, publiek is van harte welkom. Tussen mirreg is der n lunch en der wordt t oetstapke moakt noar Jacobuskerk tegenover t dörphoes. Dag duurt tot ongeveer 16:00 uur. Schrievers en publiek kinnen heur opgeven via info@kunstgaangkaampke.nl of even bellen: 0596-551369.

Aan t ind van Schrieversdag is der t oetlangen van eerste eksemploar van ‘Katjewinst op t Hogelaand’, n bundel gedichten en korde verhoalen ien t Grunnegs, schreven deur Willy Westerdijk en Nane van der Molen. Bundel is n oetgoave van Kuntgaang Kaampke. n Aantal teksten van Westerdijk en Van der Molen binnen eerder publiceerd ien Toal & Taiken, onderwaarpen binnen o.a. de seizoenen, geboorte, olderdam, zaikte, dood, sport, noatuur, weersomstandegheden, waarken en baauwwaarken op t Hogelaand. Eerste eksemploar wordt oetlangd aan docent Grunnegs Piet Kruizinga. Boukje kost € 10,- en is te bestellen via info@kunstgaangkaampke.nl.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten