Algemeen

Gepubliceerd op 11 november 2013 | door Webloug

0

15 en 16 november Grunneger Theater Festival

Op vrijdag 15 en zodderdag 16 november strieden vief tenailgezelschoppen om de winst van t Grunneger Theater Festival. n Deskundege jury beoordailt de Grunnegstoalege veurstellens op spel, techniek en op t Grunneger toalgebruuk. t Festival wordt holden ien t Der Aa-Theater ien Stad, baaide oavends begunnen om 20:00 uur. Priesoetlangen veur beste veurstellen, beste acteur en actrice en veur beste regie is op 17 november om ongeveer 21:50 uur.

De dailnemers van t Grunneger Theater Festival speulen n ainakter, monoloog of andere korte  veurstellen van maksimoal 30 minuten. Stagemates oet Slochter speult ‘Het huwelijksaanzoek’, n laifdesdaans tussen n vrijgezelle boer en zien buurvraauw, dij oetindelk laaidt tot n groot conflict. Hettie Rats oet Stad speult t autobiogroafisch verhoal ‘Vissen’ over n dagje vissen mit voader Harm en hond Rakker. Tenailverainegen VIP oet Veelerveen speult n preview van heur veurstellen ‘Een Moordweekend’, woarien de spanningen hoog oplopen. Tenailverainegen PALVU oet Ol-Pekel speult ’t Leste Restje’, n gesprek tussen n vraauw en heur overleden man, stuk speult op n kerkhof. As ofsluter speult n klaain dail van De Grunneger Sproak t stuk ‘Paarkvreterijtje’ over twij zwaarvers dij heur verlekkern aan n denkbeeldeg diner.

Aanvang: 15 en 16 november om 20:00 uur
Entree: per oavend € 10,00/CJP € 8,00. veur baaide oavends €12,00. Donateurs vergees
Der Aa-Theater, Akerkstraat 11, Stad
Reserveren via reserveren@deraatheater.nl

www.degrunnegersproak.com

Bezuikers van t Grunneger Theater Festival monnen reken holden mit aangepaasde verkeersregels. Op 16 november is ientocht van Sunterkloas, t Der Aa-Theater ligt vlakbie de route van ientocht, doarom gelden der vanof vrijdag 15 november 07:00 uur tot zodderdag 16 november 15:00 uur parkeerverboden. Ook zellen dranghekken op de route tougang tot t Der Aa-Theater wat lasteger moaken kinnen. Meer info is te vienden op sinterklaas.groningen.nl

Tags: ,



Reacties zijn gesloten

Terug naar boven ↑
  • Activiteiten