Literatuur

Gepubliceerd op 12 december 2012 | door Webloug

0

14 december Tonko Ufkes over Jelte Dijkstra

Vrijdagoavend 14 december wordt om 20:00 uur t boek ‘Gemeente Grijpskerk, n omzien verbreed’ prizzenteerd ien e PKN-kerk, Nicolaas Grijpstroat 24. Vanzulf komt de schriever en dichter Jelte Dijkstra (1879-1946) roem aan bod en Tonko Ufkes vertelt over zien waark en leest n poar van Dijkstra’s gedichten veur. Onderstoand gedicht ‘Oavend’ is opnommen ien t te prizzenteren boek.






Oavend                        

t Word langzoam alles, alle voag;
Men sigt de ploatsen, boomen, –
Een grauwe toren boven t dörp
Moar eev’n deur t donker komen.
Ien t oosten steit de moan al groot;
De damp drift stoarig noader,
En laans de westerlucht verbliekt
De leste roode oader.
De weide wordt een witte see,
Woar koeien sacht deur snuven,
En uut de stille, wiede vloed
Bugt t reit de brune tuven.
n Harmonikoa singt van hiel ver
Een lied met lange hoalen,…
Doar nemen z’ofscheid van de dag
Ien d’allerleste stroalen…
Jelte Dijkstra
[Dit gedicht ston veur t eerst ien ‘Maandblad Groningen’, 1918. t Stijt ok ien ‘Verzoameld waark. Gedichten ien t Westerketiers van Jelte Dijkstra’, uut 2004]

Tags: ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten