Muziek

Gepubliceerd op 1 december 2014 | door Webloug

0

12 december Mokumer Molleboon ien Der Aa-Theater ien Stad

Op 12 december is Mokumer Molleboon in t Der Aa-Theater in Stad. Mokumer Molleboon brengt n veulkleureg pergram mit Grunnegstoalege laidjes en chansons. t Duo is zo nuimd omreden baaide Grunneger muzikanten wonen al joaren ien Amsterdam.

In t pergram kommen laidjes aan bod dij ien verband stoan mit joarwizzelns, mor der is ook hail wat aans te heuren, zo as t Verrötte brugje (Meksikoans), Elke raais (Cole Porter), Zaike Pasha,
Hongaarse Rika en Mien Slichte Laand (Jacques Brel/David Hartsema).
Hou zai as Mokumse Grunnegers n Amsterdamse draai geven aan t Grunnens laid, doar zigs t publiek sums bie denken: bennen ze doar belotjed worden?!

Sunt Ludger, ien Grunnens gouwen, rapt dat t knapt!
Ien Macedonië ligt Pasha zaik op divan,
Hongaarse Rika wil aal mor nait op bèr.

Vrijdag, 12 december, 20.00 uur.
Der Aa-Theater
Akerkstraat 11, 9712 BD Groningen
Reserveren: 050-3117738
reserveren@deraatheater.nl

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten